O Club de Remo de Cabo imponse na Bandeira de Traíñas Deputación da Coruña

O Club de Remo Cabo de Cruz proclamouse gañador da Bandeira de Traíñas Deputación da Coruña, tanto na modalidade masculina coma na feminina. A proba, que reúne cada verán aos mellores clubs de remo da provincia, celebrouse este ano nas augas da enseada da Malata.

Un total de 10 clubs, con 14 equipos (8 masculinos e 6 femininos) disputaron a Bandeira e fixérono, en palabras da entidade provincial, “nunha espectacular competición de 3 millas náuticas que congregou a numeroso público para seguir as evolucións das embarcacións nunha cidade que conta cunha gran tradición mariñeira”.

A deputada Ana Lamas foi a encargada de facer entrega das Bandeiras ás tripulacións gañadoras. A Deputación destina 24.000 euros en premios aos equipos participantes.

Ana Lamas felicitou ás gañadoras e gañadores da Bandeira 2022 e agradeceu a”impecábel organización do evento”, a cargo da Federación Galega de Remo que preside José Manuel Seijas.