O Servizo de Protección da Natureza de Noia e o Servizo de Gardacostas da Xunta incautaron case medio centenar de quilos de navallas nunha operación de furtivismo.
Os axentes detectaron a embarcación no marco dun operativo contra o furtivismo cando unha persoa sacaba dúas capachos cargados de navalla e os introducía no maleteiro dun coche. Posteriormente atoparon o vehículo aparcado na zona exterior do porto e tentaron localizase o seu propietario sen conseguilo.
O Servizo de Gardacostas inspeccionaba a embarcación e entrevistábase co patrón, que manifestou que non sabía quen conducía o vehículo, aínda que acabou recoñecendo que fora el o que sacara o vehículo do porto.
No interior do maleteiro do vehículo atoparon os dous capachos con navalla, que unha vez lpesados en Lonxa determinouse que pesaban 46,2 quilogramos. Procedeuse á incautación da mercadoría, que foi devolta ao mar. Os axentes incautaron tamén a embarcación, que quedou precintada e inmobilizada no porto de Porto do Son, coa prohibición expresa de realizar actividades de pesca.
