A artista, bailarina e coreógrafa ourensá Marta Alonso presenta este martes 2 de agosto en Boiro o seu espectáculo Sofá. Será ás 20.30 horas na praia de Barraña, a carón do Edificio das Colonias. Trátase dunha función para todos os públicos que xira arredor dunha parella e do seu sofá. A parella son Marta e Pablo, dúas persoas normais. O sofá é o lugar no que descansan e esquecen o que está fóra. O mundo: traballo mal remunerado, guerra, ameazas nucleares, catástrofes ecolóxicas, virus asasinos invisibles, normas arbitrarias, pobreza, esgotamento.Pablo e Marta están enfermos.
Enfermos de cansazo e aburrimento.
Pero téñense a unha ó outro, teñen un sofá, e saben bailar. Non todo está perdido.
Ficha técnica
Creación e interpretación: Marta Alonso Tejada e Pablo Reboleiro
Dirección e dramaturxia: Marcos PTT Carballido
Dirección de movemento e coreografía: Cía Sharon Fridman: Melania Olcina Yuguero, Arthur Bernard Bazin
Vestiario: La Canalla / Ethical Clothes
Espazo sonoro: Mounqup, Pablo Reboleiro e Marcos PTT
Realización de escenografía: Jose Perozo & Sandra Camalea
Dirección Técnica: Ángel Sousa
Audiovisual: Carlota Mosquera
Produción: Marta Alonso, Pablo Reboleiro, Manu Lago
Distribución: Lilian Portela
Produce: Cía martaalonsotejada con Pablo Reboleiro Rama
Con axuda á creación: Xunta de Galicia · Xacobeo 21-22
Coproduce: Mostra Internacional de Teatro de Ribadavia
Colabora: Concello de Outes
Apoia: Danza Alfaia, Galicia Danza Contemporánea, Determinada Co.
