Dende o 03 ao 30 de setembro poderase visitar na sala de exposicións do Centro Sociocultural – Auditorio de Rianxo a exposición Emociones 2022 de Karin Kuijper, artista holandesa afincada en Rianxo dende hai máis dunha década e encadrada no que se coñece como arte naive ou naif. O acto de apertura será o sábado 03 de setembro ás 12.30 h.
A arte naive, da que a produción de Karin é un exemplo moi representativo, caracterízase por ser espontánea, ateigada de cores e autoconscientemente inocente, xeralmente alegre e xeralmente inspirada por e para a nenez.
