Axentes da Garda Civil procederon a investigar a un menor de Rianxo como presunto autor dun delito contra a seguridade colectiva na modalidade de tráfico de drogas e outro de desobediencia grave a axentes da autoridade. O mozo foi sorprendido no paseo marítimo.
Os feitos sucederon na terraza dun establecemento público de hostalería onde, segundo informa a Benemérita, fixo entregas de haxix a outros dous mozos, que lle entregaron diñeiro a cambio. Os feitos, engade, fueeron a plena luz do día e nunha terraza con xente.
Cando se ausentaron do lugar, a Garda Civil seguiu ao investigado para nunha rúa sen viandantes. Tras identificarse e comunicarlle que van comprobar as súas pertenzas, o autor dos feitos emprendeu a fuxida
Unha vez que se logrou alcanzarlle, atopóuselle unha bolsa de plástico con oito anacos de haxix dispostos para a súa venda e unha pastilla de éxtase, ademais do diñeiro que acababa de recadar e outro que tiña a maiores.
No momento da identificación danse conta de que é un menor polo que comunicaron aos proxenitores o sucedido. Dos feitos, deuse traslado á Fiscalía de Menores.
