O luns 15 de agosto a rúa peonil de Boiro dará acubillo a unha sesión vermú musical e festeira que contará coa presenza de Os Bregadiers e de Leije con Jalletas. Dará comezo ás 12.00 horas.
Os Bregadiers son unha banda que mestura swing, jazz e rock&roll, experimentados músicos galegos nunha formación que leva á rúa músicas doutras latitudes, nunca antes escoitadas nas vilas e cidades galegas. Inspirados nas brass bands, fanfarrias ou bandas gypsy, Os Bregadiers son herdeiros destas tradicións, cunha calidade musical e artística fóra de toda dúbida.
Leite con Jalletas é unha banda do Barbanza (os seus compoñentes son de Bandourrío e Curuxeiras, en Ribeira, e do Campiño na Pobra) cuxos integrantes defínense a si mesmos como “o mellor trío híbrido-acústico para calquera tipo de evento, locais, festa privadas vodas e tamén almorzos”. Hai uns días estiveron no Rock & Dorna (Festa da Dorna) e foron unha das grandes sensacións da festa de Ribeira por excelencia.
