Este domingo, 14 de agosto celébrase unha nova edición da Travesía Solidaria a Nado entre Testal e O Freixo

Este mes de agosto vaise celebrar a nova edición, a número XX, da Travesía Solidaria a Nado entre Testal e o Freixo. Será o vindeiro día 14 e, segundo fixeron saber na presentación celebrada na Casa do Concello de Noia, achegarase como unha nova e importante experiencia deportiva para avanzarmos en solidariedade, inclusión e integración. De feito, na travesía porase o foco en promover e visualizar diferentes formatos e propostas de deporte adaptado.

O límite de prazas é de 100 participantes. As inscricións poden facerse en Emesports.es.