En Ribeira un home precipítase desde un guindastre á que se lle rompeu a cesta

Un traballador duns 40 anos foi evacuado de urxencia para ser atendido das lesións provocadas por unha caída de altura no Polígono de Xarás. O home trataba de recuperar un dron que se quedou entre varios árbores cando rompeu a cesta e precipitouse desde o guindastre.

Debido ao impacto, sufriu fracturas múltiples, sendo mobilizado o helicóptero H3, que o trasladou de urxencia ao Hospital Clínico de Santiago.

A alerta sobre este accidente recibiuse no 112 ao fío das 16:45 horas de hoxe mediante a chamada dos axentes da Policía Local, que pedían asistencia médica urxente para un operario que caera duns tres metros de altura. Así, ademais dos efectivos de Urxencias Sanitarias de Galicia-061, que mobilizaron ao lugar o helicóptero medicalizado con base en Santiago, desde o Centro Integrado de Atención ás Emerxencias de Galicia, informouse tamén ao Grupo de Emerxencias Municipal de Ribeira e á Policía Nacional.

Finalmente, o ferido foi evacuado a bordo da aeronave ao Hospital Clínico de Santiago.

cedida