En Boiro regresan os festexos de San Ramón de Bealo

O Concello de Boiro colabora un ano mais coa comisión de festas de San Ramón de Bealo, unha romaría declarada de Interese Turístico Galego. Na presentación, que tivo lugar esta mañá, participaron o alcalde, José Ramón Romero, a concelleira de Cultura, María Outreiral, e os membros da comisión, Francisco González e José Luis Quintáns.
Os festexos comezarán o martes día 30 de agosto con verbena pola noite. O mércores 31, festivo local, celebrarase a tradicional romería con misas dende as 9.00 horas, pulpeira, comida campestre, grupos tradicionais e as orquestras Marbella e Puzzle. A festa continúa os días 1, 2, 3 e 4 de setembro, con orquestras na verbena e o San Ramonciño Pequeno o domingo con grupos de gaitas, actividades para nenos e pulpeiras.
Dende a organización fixeron especial fincapé na importancia da responsabilidade da cidadanía coas medidas de seguridade e lembrouse que, segundo o establecido no decreto 159/2019 do 21 de novembro da Xunta de Galicia non está permitida a acampada nin facer lumes, tendo en conta as
circunstancias de seca producidas este ano.