Dodro reivindica a súa cultura e a súa paisaxe na Ruta Literaria Rosalía nos Camiños

22 Agosto 2022

O Concello de Dodro compartiu novamente os detalles dunha das súas grandes propostas culturais, paisaxísticas, deportivas e medio-ambientais da tempada: a Ruta Literaria Rosalía nos Camiños, que ten páxina de seu no sitio do Obradoiro Terras de Iria, onde se dá conta de xeito pormenorizado de todo o que precisamos saber deste relevante itinerario pola parte da nosa comarca máis próxima ás terras de Sar.

A ruta foi deseñada polos Concellos de Dodro, Padrón e Rois, en colaboración coa Fundación Rosalía de Castro. Trátase dunha senda de 15 quilómetros que percorre os municipios da comarca do Sar, pasando por algunhas das paraxes mencionadas no poemario de Rosalía de Castro, En las orillas del Sar. A ruta foi estreada en maio cunha primeira expedición de 150 persoas.

Lugares de visita obrigada

Este itinerario permite coñecer o lugar de Fondóns, en Rois, o Paseo do Espolón, o Santiaguiño do Monte, a Igrexa de Iria Flavia, a Casa Museo e a praza Ramón Tojo, en Padrón e xa, en Dodro, o palacio de Lestrobe, a praza do Mercado, a fonte de Santa María e as Torres de Hermida. A ruta, con saída e chegada no Espolón de Padrón, está sinalizada con fitos de pedra realizados polo canteiro José Conde, que levan esculpida unha figueira deseñada polo escultor Camilo Seira.

O Concello de Dodro convida a residentes e visitantes a percorrela e “festexar o seu compromiso pola defensa da nosa cultura e identidade como pobo, traballando colectivamente por mil primaveras máis para a lingua galega”.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...