Detidas dúas persoas como presuntos autores dun delito de roubo con violencia en Portosín

En Porto do Son a Garda Civil detivo a dúas persoas como presuntos autores dun delito de roubo con violencia en Portosín.

O denunciante dos feitos asegurou que o pasado 26 de xullo foi asaltado por dúas persoas que, “sen mediar palabra e sen posibilidade de defensa”, “estrangulárono por detrás” e, unha vez no chan e tras perder a consciencia, roubáronlle 400 euros.

Despois dunha investigación por parte a Garda Civil, a vítima logrou identificar aos supostos autores do delito a través dunha reportaxe fotográfica. Os axentes procederon á detención das dúas persoas sospeitosas dun delito de roubo con violencia e outro de lesións.

Os detidos foron posto ao dispor do Xulgado de Noia, que decretou unha orde de afastamento da vítima de 300 metros.

Por outra banda a Garda Civil investiga a un menor de idade en Porto do Son como presunto autor dun delito de contra a seguridade colectiva na modalidade de tráfico de drogas.

Os feitos sucederon a pasada semana durante os festexos da Feira Celta. Os axentes da Garda Civil que realizaban os labores de vixilancia no marco do Plan operativo de resposta policial ao tráfico retallista e consumo de drogas en zonas de lecer identificaron a un grupo de mozos que se atopaba nun parque infantil.

Ao ver aos axentes, un dos mozos fuxiu correndo e lanzou unha bolsa que contiña, segundo a Garda Civil, “unha peza resinosa de haxix”, que tras ser pesada, lanzou que contiña 48,23 gramos da devandita substancia.

A Garda Civil localizou finalmente ao menor no seu domicilio e procedeu á súa investigación como presunto autor dun delito contra a seguridade colectiva na modalidade de tráfico de drogas.