O Concello de Boiro organizou este xoves unha viaxe en catamarán destinada a persoas xubiladas do municipio. O alcalde, José Ramón Romero, o concelleiro de Turismo, Carlos Muñiz, e o concelleiro de Servicios Sociais, Raúl Treus, estiveron onte na saída do barco dende o Náutico de Cabo de Cruz.
O obxectivo desta actividade, na que participaron arredor de 120 persoas, foi dar a coñecer a paisaxe e recursos de Boiro e a Ría de Arousa, cunha viaxe dunhas tres horas de duración que saíu de Cabo de Cruz e foi ata a desembocadura do río Ulla polo interior da Ría de Arousa.
Unha primeira viaxe en catamarán que se desenvolveu no marco do programa “Boirenses Viaxeiros” e que foi completamente gratuíta e destinada a persoas maiores e xubiladas do municipio.
