O festival Paisaxes Sonoras, impulsado pola Mancomunidade Barbanza Arousa (Ribeira, A Pobra, Boiro e Rianxo) ,vainos deparar este sábado 27 de agosto un concerto de Davide Salvado e Cibrán Seixo. Será ás 20.30 horas na canteira da Retorta.
Davide Salvado e Cibrán Seixo chegan co seu proxecto titulado Sen Xente, no que renden homenaxe á música atlántica, unha etiqueta na que eles inclúen xéneros como a música tradicional ibérica, o bolero, o jazz ou o fado, acompañados de instrumentos de corda (violíns, violas, guitarras), a maiores de sintetizadores.
Actúan dentro do festival Paisaxes Sonoras 2022 que se celebra do 25 ao 28 de agosto na Pobra do Caramiñal, Ribeira, Boiro e Rianxo.
