O centro urbano de Boiro vai acoller este mércores 10 o espectáculo A Eira do Paporrubio. Será a partir das 10.30 horas e incluirá monicreques, xogos, música, tradición oral e obradoiros creativos e divertidos para nenos e maiores.
rTátase dunha proposta da produtora Urdime moi acaída para nenas e nenos de máis de dous anos. Segundo explica Urdime, a Eira do Paporrubio desenvólvese “nun espazo soñador e máxico onde conviven animais domésticos e non tan domésticos, que serán os protagonistas das fábulas”. Trátase dun proxecto argallado por por Luchi Iglesias e Carlos Quintá dentro do Fondo de Proxectos Culturais Xacobeo (Secretaría Xeral de Política Lingüística), no que se mesturan música e xogos tradicionais con outros de creación propia que farán que os nenos e nenas gocen dunha divertida xornada de animación e creatividade.
