A Escola Cen Pliés volve este sábado á azotea do Consistorio de Boiro

Boiro vai acoller este sábado 6 de agosto, ás 21.30 horas, unha nova actuación de danza da Escola de Ballet Cen Pliés, impulsada dende a Asociación de Amas de Casa. Será nun escenario privilexiado a tres andares de altura: a terraza da Casa Consistorial de Boiro.

Trátase dunha actuación de balde organizada polo Concello. Todo apunta a que se vai repetir o éxito de público acadado pola escola na súa experiencia previa no mesmo escenario, a azotea co Consistorio, onde as súas integrantes conseguiron encher o aforo dispoñíbel.