Tras case dous anos de inactividade, a Banda Municipal de Música de Boiro volve aos escenarios cun concerto extraordinario nunha das xoias patrimoniais recentemente restaurada do Concello de Boiro, o Pazo de Goiáns.
Dita actuación, que leva por nome Atardecer musical en Goiáns, estará dirixida polos membros da agrupación Lois Pimentel Iglesias e Juan Pérez Ortega, e está prevista para este venres 19 de agosto ás 20:30.
Este concerto de verán contará cun programa moi variado, que incluirá dende música sinfónica de compositores como Jacob de Haan e Jan Van der Roost, ata música de autoría local como Manuel Muñiz ou o propio Lois Pimentel. A entrada ao concerto é libre e de balde e a duración aproximada será de 1h.
