Co ánimo de achegar a cultura e o ocio ás persoas con doenzas mentais, a Asociación ABAS pon en marcha un programa de ocio inclusivo que foi presentado esta mañá na Casa do Concello polo coordinador da entidade, Francisco Javier Gómez, xunto coa concelleira de Cultura María Sampedro e con Jesús Paz, tamén integrante da Asociación Barbancesa de Axuda e Solidariedade.
A iniciativa dou comezo o pasado mes de xuño cunha saída a Vimianzo, Ézaro e Portugal e terá continuidade este mesmo domingo pola tarde cunha nova viaxe, neste caso con participación dunha
ducia de persoas que irán en dúas embarcacións pola ría de Arousa.
Francisco Javier Gómez anunciou que haberá próximas saídas dentro desta iniciativa ata o mes de decembro e que espérase de que entre medio cento e un cento de persoas con doenzas mentais poidan
tomar parte no programa. A tal efecto destacou a colaboración da Asociación A Creba, así como a do Concello de Ribeira que aporta unha subvención.
A concelleira María Sampedro aplaudiu a iniciativa salientando o feito de que a xente moza se conciencie coa inclusión das persoas con este tipo de doenzas que por moito tempo foi un tema tabú na
sociedade.
As persoas interesadas poden obter máis información escribindo un email a coordinador.abas.asoc@gmail.com.
