A Asociación Boirense de Empresarios (ABE) presentou os datos da terceira Quincena Fantástica, a campaña da patronal para impulsar o comercio local este verán. Segundo fixo saber a ABE, rexistráronse 1.169 tíckets nesta quincena, unha cifra que é representa “o récord absoluto na campaña “. Sorteáronse 500 euros en vales de compra e unha bicicleta pregábel.
“Esta cifra de rexistros é a mais alta da historia da campaña dobrando os rexistros da mesma quincena do pasado ano e superando os 1015 da pasada quincena”, explicou a ABE, engadindo que “estes datos referendan a aposta da ABE pola dixitalización nas campaña de promoción comercial e nos animan a seguir traballando nesta liña potenciando este sistema”.
As Quincenas Fantásticas rematarán dentro duns días co último sorteo do mes de agosto (son un total de catro).
A entrega dos premios realizarase na primeira semana de setembro xunto coas persoas premiadas da úñtima quincena
Quedan pendentes de sortear 500 € e 1 bici ao remate de cada unha das 2 quincenas de agosto (1 premio de 250, 1 premio de 150 e 1 premio de 100 euros + a bici).
Para participar os clientes deben realizar unha compra nun establecemento asociado a ABE, facer unha foto do tícket ou factura e rexistrala en www.abe.gal.
