Comezou en Portosín a cita coa súa regata máis emblemática, a Mar de #Finisterre, que alcanza a súa 34ª edición, a oitava baixo o mecenado de Dominga Sabín e Jacinto Hernández.
A Pitusa Sabín soubo a moita mar neste primeiro día da regata, con 40 millas para os máis avezados que conquistaron #Finisterre, cun ariete que foi o Siradella, de Francisco Gude, encargado de dar unha
lección maxistral de navegación e, polo tanto, liderando a clase dos grandes veleiros, a Regata, seguido o barco de Portosín polo da Armada Española, comandado por Diego López, da Comisión Naval de Ferrol, pechando o podio provisional outro coruñés, o Urbapaz, de Fran Edreira, que navega polo Club Náutico de Cabanas.
Pero nestes mesteres de mestres da mar estívolle á zaga ao Siradella, o Meltemi, de Guillermo Blanco, do Real de Coruña que, ademais de mandar nos Cruceiro/Regata, fíxose co liderado da xeral da Mar de #Finisterre – Trofeo Pitusa Sabín. A posto prata é para o Virginiano, de Juan Concheiro, do club anfitrión de Portosín, sendo o bronce para o Raygrass III, de Tom Núñez, do Club Marítimo Carrumeiro.
Respecto a a regata de promoción dos Open, que navegaron polo interior da ría, o liderado está en poder do Monte Ulía, de Eduardo Arán, de Portosín.
Hoxe navegouse cun vento medio de 12 nós, ondas de metro e metro e medio, co eixo da compoñente no noroeste.
