O Servizo de Xuventude do Concello de Rianxo vai desenvolver este verán, ao abeiro do seu intenso e diverso programa de lecer e conciliación, unha actividade formativa e lúdica para iniciar á rapazada nas artes escénicas. O Campamento de Teatro va dirixido a mozos e mozas de 12 a 17 anos e desenvolverase en 4 quendas: do 11 ao 22 de xullo, do 26 de xullo ao 5 de agosto, do 8 ao 19 de agosto e do 22 de agosto ao 1 de setembro. O horario será de 09:30 a 14.00 horas.
En palabras do Servizo de Xuventude, “o Campamento de Teatro pretende ofertar unha actividade lúdica e eminentemente práctica que achegue coñecementos básicos do teatro aproximando esta vía de expresión artística ás/aos participantes”.
As solicitudes de inscrición rexeranse polas bases de inscrición. Podemos consultar as bases de inscrición (en formato PDF) e o formulario para cumprimentar na web municipal do Concello.
