A Pobra do Caramiñal contará nesta semana coas dúas últimas sesións de narración oral no marco do Festival Atlántica. Desta vez é a quenda do bloque dirixido a público adulto.
Celso F. Sanmartín achegará de viva voz Catro aves escollidas son as que cruzan o mar na que, coa metáfora de que somos aves de paso, evocamos os momentos no conxunto e o resultado desta capacidade pode dar paso á melancolía, a cal é propensa a buscar táboas de salvamento nas historias que contamos. Terá lugar no 6 de xullo, a partir das 21.00 horas, na Portela.
E, no día 9, a narración trasladarase ao adro do Castelo con Contos e sucedidos, das 21.30 horas en diante. Trátase dunha escolma de relatos colombianos atravesados pola experiencia e bo facer da contadora Carolina Rueda.
Ámbalas citas son de balde e contan coa colaboración da Concellaría da Cultura, da cal é titular a edil Patricia Lojo (PSdeG-PSOE). Máis información en www.festivalatlantica.gal.
