O Concello de Boiro, a través das concellarías de Servizos Sociais e Turismo, organiza unha viaxe en catamarán destinada a persoas xubiladas do municipio. A actividade será gratuíta e celebrarase o vindeiro xoves 4 de agosto pola tarde con saída do Náutico de Cabo de Cruz.
O obxectivo desta actividade é dar a coñecer a paisaxe e recursos de Boiro e a Ría de Arousa, cunha viaxe dunhas tres horas de duración dende Cabo de Cruz ata a desembocadura do río Ulla polo interior da ría. Esta primeira viaxe será completamente de balde e destinada principalmente a persoas xubiladas.
Todas aquelas persoas interesadas en participar poden inscribirse a partir do luns na Oficina de Turismo do Concello de Boiro, que está aberta pola mañá de 9.00 a 14.00 horas e pola tarde de 17.00 a 20.30 horas e o número máximo de reservas que se poden facer por persoa é de dúas.
