As persoas participantes no Campo de Voluntariado de Outes (Campos de Galicia) que se desenvolve este verán no concello foron recibidas polo alcalde e a tenente de alcalde no Consistorio. A iniciativa, que se desenvolve baixo o epígrafe Lembrando a nosa pegada, é un campo medioambiental que se desenvolve entre o 15 de xullo e o 26 deste mesmo mes.
Participan 15 mozas e mozos, que teñen o cometido de poñer en valor as as áreas onde se atopan os gliptógrifos de Carballa da Cova, levando a cabo labores de sinalización, limpeza de vexetación, visualización da ruta natural coas novas tecnoloxías, dinamización dos petróglifos e desenvolvemento dunha ruta nocturna para contemplar e ver os petróglifos. Os voluntarios tamén porán o foco na limpeza e recuperación dos petróglifos de Fontemoreira e na limpeza da capela de Santo Bieito do Freixo e dous túmulos próximos da contorna
