Máis de 300.000 euros na renovación do pavimento dos pantaláns mexilloeiros do Porto de Rianxo

07 Xullo 2022

A Consellería do Mar, a través de Portos de Galicia, investirá 310.000 euros nas obras de renovación do pavimento dos pantaláns mexilloeiros do porto de Rianxo co obxectivo de mellorar a seguridade e as condicións de traballo dos profesionais que desenvolven a súa actividade nestas instalacións. Así o
anunciou esta mañá a presidenta do ente público, Susana Lenguas, durante unha visita á localidade para comprobar outras actuacións desenvolvidas polo ente público no peirao e na que mantivo un encontro con representantes do sector profesional da zona.
Esta mellora enmárcase nun proxecto construtivo conxunto do que se beneficiarán outros nove portos galegos -Baiona, Cesantes, Moaña, Cangas, Bueu, Porto do Son, Tragove (en Cambados), O Xufre (na Illa de Arousa) e Vilaxoán- que está en proceso de licitación por un importe de máis de 1,2 millóns de euros.
O obxectivo dos traballos é substituír o pavimento actual dos pantaláns por madeira tecnolóxica que evite os esvaróns, reduza os custos de mantemento, aumente a súa duración e evite outros danos derivados da degradación. A maiores, realizaranse actuacións puntuais para mellorar a seguridade dos usuarios e das propias instalacións.
Un porto funcional e accesible
A renovación do pavimento sumarase a outras melloras xa realizadas nos últimos meses pola Xunta de Galicia no porto de Rianxo co obxectivo de modernizar as instalacións e darlles maior seguridade e a accesibilidade. Así, levouse a cabo a renovación e ampliación do pantalán de profesionais de 3ª lista coa instalación de 77 novos fingers que habilitan máis de 170 prazas de amarre, implantáronse novos pilotes, escaleiras abatibles e unha baliza ao final do pantalán, así como un novo sistema de apertura das portas e torres intelixentes de subministración de enerxía, cun investimento total próximo aos 250.000 euros.
A estas actuacións engádense as obras de construción de 24 novos departamentos para usuarios do sector profesional deste porto, iniciadas o ano pasado e cun investimento público de dous millóns de euros.

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...