Escarabote acolleu a segunda xornada de Mar Diverso, o festival de arte inclusiva e patrimonio costeiro de Ambar, financiado polo Galp da Ría de Arousa

26 Xullo 2022

O Porto de Escarabote foi hoxe o escenario para a inauguración da segunda peza plástica de ‘Mar Diverso’ , o festival de arte inclusiva e patrimonio costeiro da Asociación Ambar das Persoas con Diversidade Funcional, financiado polo GALP da Ría de Arousa.

O equipo de Vaciocero e o muralista Sokram foron os encargados de presentar e dirixir os seus traballos artísticos inaugurados esta mañá no Porto de Escarabote, Boiro, nesta segunda xornada de Mar Diverso.

Vaciocero é un equipo multidisciplinar que estivo traballando co grupo de arte de Ambar formado por Ramón, Elena, Mila, Miryam, Carmen, Sonia, Esperanza, Victor, Manola e Mónica. Xuntos encargáronse do acto de apertura realizando unha acción colaborativa cunhas pezas pictóricas creadas previamente nas sesións de traballo en Ambar.

Seguido da intervención de Vaciocero, o artista Sokram presentou o mural que compuxo co grupo de arte formado por Álex, Ángel, Dani, Domingo, Gonzalo, Juan, Ma Eugenia, Raquel “A peza trata sobre o cambio climático, en concreto sobre a problemática dos areais. É unha crítica sobre un sistema social pétreo que non quere cambiar, que non lle dá importancia e valor á diversidade natural. Unha porta á reflexión e á toma de conciencia sobre o tempo que nos queda” explicou o muralista.

Milagros Rey, presidenta de Ambar amosábase moi ilusionada por conseguir levar esta obra de arte a Boiro “chegou o momento de que quede unha pegada nosa aquí, en Escarabote, o meu lugar de nacemento.” Agradeceu ao Concello de Boiro e ao Alcade pola súa boa acollida.

José Ramón Romero, alcalde de Boiro, deu parabéns a Ambar pola labor que estaban a realizar e por formar un equipo tan dinámico “Para os boirenses é un orgullo que nos deixedes unha obra deste calibre, vai ser a protagonista nas fotos deste verán” J.R. Romero

Zeltia Iglesias, técnica de inclusión de Ambar foi a encargada de pechar o acto:
“Invítovos a facer unha ruta canda nós e seguir todo o que por descubrir en Mar Diverso”.

Entre outras propostas programadas para o longo da semana, mañá mércores 27 ás 12.30 horas, inaugúrase unha obra plástica dirixida por Tere Ramallo no Paseo Praia da Torre, Rianxo.

o Mércores 27 ás 12:30H
Obra plástica dirixida por Tere Ramallo no paseo Praia da Torre, Rianxo
o Xoves 28 ás 12:30H
Peza escultórica dirixida por Mar Ramón na Praia das Salinas, Illa de Arousa
o Venres 29 ás 22:30H
Peza escénica dirixida por Fran Sieira na Praza da Igrexa, Ribeira
o Domingo 31 ás 12:30 H
Peza escultórica dirixida por Ócar Aldonza no Mercado de Abastos, A Pobra

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...