Nova alianza tecnolóxica a prol dunha sociedade inclusiva A Rede Galega de I+D+i de Tecnoloxías de Apoio para unha Sociedade Inclusiva presentouse esta mañá no Centro de Investigación en Tecnoloxías da Información e as Comunicacións da UDC (CITIC). A finalidade deste grupo de traballo interdisciplinar, promovido por axentes científicos como o propio CITIC, colexios profesionais como o Colexio Profesional de Enxeñaría en Informática de Galicia (CPEIG), e máis de dez entidades galegas do terceiro sector, é poñer as TIC ó servizo de persoas maiores e con discapacidade para mellorar a súa calidade de vida. A Rede, aberta a calquera iniciativa que aporte valor engadido no ámbito das TIC, encargarase de desenvolver proxectos tecnolóxicos innovadores e inclusivos.[ler máis] Os Chromecast con Google TV permiten ver as imaxes das cámaras de Google  Hai 9 anos que Google lanzou o seu Chromecast, unha solución moi práctica para levar contidos multimedia da Internet a televisores sen capacidades de Smart TV, e para celebrar o aniversario desta familia de dispositivos anuncian novas características para os mesmos, sendo a máis salientable que os Chromecast con Google TV recibirán soporte de timbres e cámaras Nest, de xeito que cando chame alguén á porta ou haxa un intruso no noso xardín poderemos ver a imaxe das nosas cámaras de Google directamente no televisor.[ler máis] 4 millóns de usuarios xogaron a Fortnite a través da nube de Xbox  En maio Microsoft sorprendeu ofrecendo a posibilidade de empregar o servizo de Xbox Cloud Gaming para xogar de balde a Fortnite, o que resultaba especialmente atractivo para usuarios de dispositivos con iOS (que non teñen dispoñible o xogo na tenda de aplicacións de Apple), e Satya Nadella vén de confirmar o éxito desta iniciativa, xa que houbo máis de 4 millóns de xogadores que gozaron do xogo de Epic Games deste xeito, dos que máis dun millón eran novos no ecosistema de Xbox.[ler máis] |
Novo número da edición impresa de “Código Cero” revista de ciencia e tecnoloxía de Galicia
Como todos os meses, chega outro número de Código Cero na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF ou ler en dispositivos móbiles a través da aplicación de quiosco dixital...
