O salón de plenos do Concello da Pobra do Caramiñal acolleu na xornada deste 28 de xullo, a partir das 21.00 horas, a sesión ordinaria do pleno da Corporación, a cal contou coa ausencia do concelleiro José Andrés Lojo (Nós Pobra). Púidose seguir a través do Youtube municipal.
A orde do día foi a que figura a seguir:
- Aprobación definitiva da ordenanza municipal reguladora de circulación do Concello da Pobra do Caramiñal. Aprobada con 7 votos a favor (Nós Pobra, BNG e PSdeG-PSOE) e 5 abstencións (PP).
- Moción do grupo municipal do PP relativa á xestión das competencias en materia de Dominio Público Marítimo-Terrestre. Aprobada por unanimidade a emenda de engádega presentada polo BNG á moción orixinal. Aprobada por unanimidade a moción emendada.
Deseguido, procedeuse coa parte de decretos e informes da alcaldía para, finalmente, dar paso á quenda de rogos e preguntas.
