Galicia computou 55 decesos por coronavirus nos últimos cinco días o que eleva a cifra a unha media diaria a 4 decesos. Así as cousas, nun ano, poderiamos estar a falar de 1.500 mortes por Covid só na comunidade galega. O número de óbitos comezan a repuntar.
Mentres Ribeira lidera os repuntes de casos de covid na comarca, con Boiro e Rianxo á alza. A suba de casos de covid mantense, aínda que parece que no norte da comarca remite o ritmo de contaxios. No informe facilitado polo Sergas este sábado destacou o repunte de infeccións en Ribeira, que engadiu con respecto á xornada anterior 16 novos.
Tamén seguen sumando contaxios Rianxo e Boiro. O municipio rianxeiro rexistra xa 74, dos cales 53 saíron á luz desde o 2 de xullo. Na localidade boirense segue incrementando tanto en incidencia acumulada (IA) a sete días como a 14. Esta última achégase aos seiscentos casos por cen mil habitantes. O outro concello que volveu a repuntar, aínda que lixeiramente, foi Noia.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 17.615 deles 3.549 son da área da Coruña, 2.534 da de Lugo, 2.525 da de Ourense, 1.826 da de Pontevedra, 2.647 da área de Vigo, 3.081 da de Santiago e 1.426 da de Ferrol.
Do total de pacientes positivos, 30 están en UCI, 825 en unidades de hospitalización e 16.760 no domicilio. Polo de agora, en Galicia hai un total de 637.573 persoas curadas, rexistrándose 3.663 falecementos.
Os últimos falecementos rexistrados por coronavirus foron:
Día 22 de xuño:
Muller de 94 anos, na área sanitaria da Coruña e Cee.
Día 3 de xullo:
Home de 84 anos, na área sanitaria de Santiago e Barbanza.
Día 6 de xullo:
Home de 83 anos, na área sanitaria de Vigo.
Muller de 85 anos, na área sanitaria da Coruña e Cee.
Home de 94 anos, na área sanitaria de Vigo.
Día 7 de xullo:
Home de 78 anos, na área sanitaria da Coruña e Cee.
Home de 77 anos, na área sanitaria da Coruña e Cee.
Muller de 70 anos, na área sanitaria de Vigo.
Home de 85 anos, na área sanitaria da Coruña e Cee.
As persoas falecidas tiñan patoloxías previas.
O número de PCR realizadas é de 3.944.268.
O número de doses de vacina contra a covid-19 administradas é de 6.701.194.
