Xuizo a unha ex traballadora social de Boiro acusada de estafar a unha comunidade de montes

25 Xuño 2022

A sección sexta da Audiencia Provincial da Coruña celebrará a partir do mércores un xuízo por estafa na xestión dunha comunidade de montes en Boiro. Para a acusada, pide cinco anos de cárcere, segundo informa o Tribunal Superior de Xustiza de Galicia (TSXG) e recolle Fiscalía no seu escrito de cualificación.

A xulgada foi traballadora social no Concello de Boiro e o seu pai foi tesoureiro dunha comunidade de montes veciñais neste municipio e, polos coñecementos administrativos e económicos da muller, os comuneiros delegaron nela a xestión económica, o que lle permitiu, engade Fiscalía, estar en posesión do caderno bancario.

“A acusada, con ánimo de ilícito beneficio, cobrou por caixa no seu propio beneficio, entre os anos 2005 e 2014, ambos inclusive, 151.154 euros realizando retiradas en efectivo de cantidades redondas chegando a superar, no devandito período, 200 retiradas”. “Tales retiradas eran de 100, 150, 600 ou 300 euros”, sinala o Ministerio Público sobre uns feitos que non foron descubertos ata que asumiu a presidencia outra persoa.

A Fiscalía solicita que se lle impoña unha pena de cinco anos de prisión, ademais do abono da indemnización, cos correspondentes intereses, pola cantidade que, presuntamente, obtivo desta maneira.

Outros artigos

Comezaron en Ribeira as obras de mellora do parque Pedra Pateira

O Concello de Ribeira informou de que xa comezaron este mes de marzo as obras para poñer a punto o parque infantil de Pedra Pateira, no barrio de Bandourrío (Santa Uxía). A actuación contempla unha liña de pluviais para evitar a acumulación de auga superficial, novos...

+

Publicidade

Revista en papel

Opinión

“Rodar e rodar”. Carlos Moledo

“Rodar e rodar”. Carlos Moledo

Recordarán los lectores que hace apenas quince días Galicia estaba inmersa en unacaloradísimo debate socio-político planteado por múltiples formaciones políticas, algunas yacasi extintas a día de hoy, al menos hasta dentro de cuatro años. Dichos partidos políticos,...