Ribeira mellorará dous camiños en Oleiros cunha subvención de AGADER

15 Xuño 2022

A Axencia Galega de Desenvolvemento Rural (AGADER) vén de confirmar ao Concello de Ribeira a concesión dunha axuda de 55.418,37 euros ao abeiro do Plan de Mellora de Camiños Municipais de Acceso a Parcelas Agrícolas 2022-2023. Esta axuda, sinalou o Goberno local, vai permitir actuar no firme de dous camiños situados na parroquia de Oleiros: o que vai da Eirexa a Gándara e o situado en Meiladín.

No que respecta ao camiño da Eirexa a Gándara, de 660 metros de lonxitude, o Concello explica que ten un firme de aglomerado asfáltico deteriorado. As obras de mellora previstas contemplan a roza e limpeza da vexetación, a aplicación dunha subbase de saburra, a regularización do camiño con aglomerado en quente nas zonas de fochancas e esconchados, e a extensión dunha nova capa de aglomerado en quente de cinco centímetros de espesor en toda a lonxitude e ancho da vía.

No que se refire ao camiño de Meiladín, de 445 metros de longo e feito de aglomerado asfáltico, o seu estado de conservación “tamén é defectuosa”, lembra o Goberno local, engadindo que “as obras de mellora prevén a roza e a limpeza da vexetación, a preparación das marxes do camiño, a regularización do mesmo botando aglomerado en quente nas zonas de fochancas e esconchados, a aplicación dunha subbase de saburra nas marxes e a extensión dunha capa de aglomerado en quente de cinco centímetros de espesor en toda a lonxitude e ancho da vía”.

O orzamento base de licitación ascende a 67.056,23 euros e o prazo de execución son dous meses.

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...