Primeira sesión das xornadas de herboloxía que o Concello de Boiro desenvolve para dar a coñecer as herbas mediñais e os seus beneficios

25 Xuño 2022

O Concello de Boiro desenvolve, no marco do programa “O bosque da familia e a memoria”, unhas xornadas de herboloxía que teñen como obxectivo ofrecer actividades para o coñecemento e recolección de plantas mediciñais. O alcalde, José Ramón Romero, e o concelleiro de Servicios Sociais, Raúl Treus,
asistiron no Centro Social de Escarabote á primeira sesión das xornadas.
O programa está formado por dúas actividades, unha delas que tivo lugar o pasado sábado día 18 para dar a coñecer as herbas de San Xoán e a tradición das augas, e outra delas que se divide en tres sesións e que busca difundir o coñecemento sobre as plantas tradicionais mediciñais galegas e o seu uso terapéutico. “A actividade sobre as herbas de San Xoán foi un éxito, nela participaron persoas de distintas idades que compartiron o seu coñecemento”, afirmou o concelleiro.
As xornadas de herboloxía que comezaron hoxe e nas que participan unha trintena de persoas vanse desenvolver en tres sesións en sábados alternos. Na primeira das xornadas realizouse unha presentación das plantas que teñen un uso terapéutico e na próxima realizarase unha saída de campo para a súa recolección.
O Concello de Boiro aposta por levar a cabo actividades pensadas para os mais maiores e que se adaptan a todos os públicos e asisten persoas de todas as idades. “É marabilloso ver como os mais maiores e os mais mozos comparten coñecementos e saberes”, recoñeceu o alcalde.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...