O Concello de Ribeira informa da apertura do prazo de inscrición do IV Ciclo da USC

O Concello de Ribeira, participante no IV Ciclo da Universidade de Santiago de Compostela (USC), informou de que xa está aberto o prazo de matrícula no ciclo. Todas as persoas maiores de 50 anos que o desexen poden formalizar a súa inscrición (antes do 29 de xullo) na páxina web da Universidade de Santiago.

As persoas que soliciten por primeira vez a súa matrícula poden dirixirse ao Centro Cultural Lustres Rivas de Ribeira de luns a venres de 8 a 14 h para cubrir os datos da preinscrición que se enviarán á USC, ao agardo da alta como novo/a alumno/a e a correspondente folla de pagamento de taxas.

A formación universitaria a partir dos 50 anos é posíbel en Ribeira grazas ao convenio asinado en 2019 entre a USC e o Concello de Ribeira. Acerta das vantaxes e posibilidades que pon en xogo esta colaboración, dende o Consistorio explican que “a creación dunha sede universitaria do cuarto ciclo dirixida a persoas maiores de 50 anos, promove a formación continua, a democratización dos estudos universitarios…, en definitiva a universalización da formación universitaria trasladándoa da capital de Galicia á cabeceira da comarca do Barbanza”.

Este curso 2022-2023 a oferta formativa na sede de Ribeira do IV Ciclo da USC é a seguinte: