O ciclista júnior Roi Jorge Vázquez imponse no DHI Porto de Mós, proba puntuábel para a Taça de Portugal

01 Xuño 2022

M.A.- Roi Jorge Vázquez, rider nado en Lousame, vén de acadar a primeira posición en categoría júnior no DHI Porto de Mós de Portugal, quinta e última proba puntuábel da Taça de Portugal Downhill, celebrada a pasada fin de semana. A carreira contou coa presenza dos mellores especialistas de España e Portugal. Co triunfo cultivado en terras lusas, o ciclista da Bici Verde Club Ciclista confirmou que superou a lesión que arrastrou no inicio da tempada, que lle impediu alcanzar o seu mellor nivel no Campionato de España disputado en Raso (Ávila), así como no Campionato do Mundo de Descenso celebrado en Lourdes (Francia) a finais de marzo.

Na proba disputada en Porto de Mós, Roi Jorge Vázquez finalizou segundo nos adestramentos oficiais por detrás do rider local Matías Camacho. Con todo, o de Lousame dominou as mangas oficiais de principio a fin e fíxose co triunfo na última cita da Taça de Portugal de Downhill.

O circuíto constaba de 2,1 quilómetros, cunha pendente do 25% (1.123 metros de altitude máxima e 743 metros de mínima), cun trazado moi técnico que favoreceu que houbese unha elevada competitividade entre todos os participantes.

Roi Jorge Vázquez afrontará a vindeira cita a primeira fin de semana de xullo no Descenso de Panticosa (Huesca), proba puntuábel para a Copa de España de BTT DH Descenso.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

A XI Regata Caiac de Mar do Concello de Rianxo celebrarase o 2 de marzo

Xa temos data para XI Regata Caiac de Mar Concello de Rianxo, logo de que o mal tempo do 10 de febreiro, data inicial obrigase a adiar a celebración. Finalmente optouse polo sábado 2 de marzo. Será a partir das 10.00 horas no porto de Rianxo. As saídas están fixadas...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...