O alumnado do Obradoiro de Emprego en Xestión Forestal Torre Goiáns – Boiro realizou traballos de mellora e valorización da finca forestal nas inmediacións do Campo de Fútbol de Valiño. As actuacións forman parte dos traballos prácticos da formación que están a recibir.
Participan no Obradoiro de Emprego un total de 20 alumnos divididos en dúas modalidades. Unha parte do alumnado formase en Actividades Auxiliares en Conservación e outra en Mellora de Montes e Repoboacións Forestais e Tratamentos Silvícolas. O alumnado realizou parte da formación práctica na contorna do Campo de Fútbol de Valiño para a mellora e valorización da finca forestal.
Ademais da formación teórica e a posta en práctica das habilidades adquiridas, o alumnado formase tamén en competencias xenéricas e destrezas para a busca de emprego. O Concello de Boiro desenvolve o Obradoiro de Emprego en xestión forestal Torre Goiáns – Boiro durante o curso 2021-2022 mediante o financiamento da Consellería de Emprego e Igualdade da Xunta de Galicia, ao abeiro das axudas e subvencións para os obradoiros duais de emprego da Comunidade Autónoma de Galicia.
