O acto, tivo lugar, este sábado día 11, na praza que se atopa a carón da casa do Concello de
Porto do Son, ás 12 da mañán.
Ánxela Franco faleceu no ano 2019, ostentando o cargo de deputada provincial do BNG, na
Deputación Provincial da Coruña, na área de Benestar Social e Igualdade, e o de concelleira en
Porto do Son, de onde era natural.
Toda a comarca da Ría de Muros e Noia, así como a do Barbanza, únense para este acto de
homenaxe onde, ademáis de intervir compañeiras e compañeiras de partido do Porto do Son,
entre elas o actual portavoz municipal e candidato polo BNG ás próximas eleccións municipais:
Balbino Montemuiño, tamén falaron a responsable comarcal: Sol Agra, e a deputada no
parlamento da Xunta de Galicia: Rosana Pérez.
A esta importante homenaxe asistiron numerosas personalidades do eido cultural e asociativo
da comarca, así como familia e amizades da homenaxeada.
O emotivo acto comezou con música de violín, a cargo de Adolfo Carreira Pol, e rematou
nunha ofrenda de cravos vermellos ó pé da gran foto de Ánxela, mentres soaba o himno
galego.
O BNG quere resaltar, con este acto, o grande respecto e admiración que ten polo valioso
legado político da compañeira Ánxela Franco.
