Este venres 1 de xullo as 20:00 horas celebrarase en Noia a entrega do premio XX Certame Literario de Relato de Aventuras Antón Avilés de Taramancos. A cita desenvolverase na Casa da Cutura de Noia e a entrada será libre até completar o aforo. O certame, que ten aberto até o 15 de setembro o prazo de presentación de obras para a convocatoria XXI, vén da man do IES Virxe do Mar, da Casa da Gramática (IES Virxe do Mar) e da Concellería de Cultura que dirixe José Pérez.
O premio é único de 3.000 € xunto a unha escultura conmemorativa do artista noiés Alfonso Costa. Ademais a obra gañadora será publicada pola editorial Toxosoutos.
Polo que respecta ás novas contribucións, os traballos serán remitidos ao seguinte enderezo:
Concello de Noia, rúa Rosalía de Castro, 2. 15200 Noia (A Coruña).
