En Ribeira un control policial sáldase con dous conductores denunciados

A Policía Local de Ribeira, en colaboración co Corpo Nacional de Policía levou a cabo un control preventivo de alcol e drogas na madrugada do xoves ó venres.
Os axentes situáronse na Avenida do Malecón, á altura da estación de autobuses. O control deu comezo contra a 01.45 da madrugada e rematou ás 3.00 horas. Durante ese tempo foron denunciados dous
condutores. A un deles tramitóuselle unha sanción administrativa e, ó outro, os axentes instruíronlle dilixencias xudiciais por un posible delito contra a seguridade vial.
O seu vehículo quedou inmobilizado xa que o individuo denunciado non avisou a un condutor apto para que se fixese cargo do mesmo.