Deloa, Noia, O Son e Outes fan un chamamento á mocidade para participar na súa Residencia Artística Xuvenil

30 Xuño 2022

Este martes 28 de xuño celebrouse no Pazo de Goiáns (Boiro) a asemblea da Asociación Deloa, entidade galega para o desenvolvemento dos territorios rurais con importante presenza (e actividade) na nosa comarca, dende a súa sede principal da Escravitude, Padrón. Na xuntanza formalizáronse varios acordos relevantes, por exemplo o relativo á colaboración entre os GDR Ribeira Sacra – Courel ASDECOMOR, a Asociación Deloa e a Fundación Paideia Galiza para impulsar unha acción formativa sobre emprendemento cultural e artístico no rural. Tamén foi formalizado un convenio cos Concellos de Noia, Outes e Porto do Son para o desenvolvemento da Residencia Artística Xuvenil cuxos detalles avanzamos os días pasados dende O Barbanza. Participaron representantes dos ditos Concellos da nosa contorna. Ao rematar a asemblea participaron nunha visita polo histórico edificio boirense e a súa importante contorna natural, ambos recentemente postos en valor polo Concello.

Residencia Artística Xuvenil

A Residencia Artística Xuvenil é unha iniciativa dirixida a xente nova (de entre 16 e 29 anos) que queira adentrarse no eido da música non só a nivel de lecer e tempo libre senón tamén profesionalmente. O programa ten abertas as inscricións.

Esta formación permitirá as persoas participantes coñecer de preto a industria musical e acceder ás ferramentas para desenvolver os seus proxectos artísticos “cun criterio e unha dirección”. Ademais, sinala Deloa, “terán a oportunidade de coñecerse entre si e formar grupos de traballo, dando lugar a un laboratorio de creación musical, ao mesmo tempo que traballan as competencias para o emprego en formacións levadas a cabo por profesionais do sector da comunicación, o adestramento, selección de persoal e a orientación laboral”.

O programa desenvolverase os meses de xullo e agosto.

Os lugares de celebración serán os seguintes:

-Noia: Edificio Casino

-Outes: Centro de Emprendemento de Outes (CEO)

-Porto do Son: Casa da Cultura

A inscrición pode facerse entre o 20 de xuño e o 6 de xullo. Pódense facer a través do teléfono 981 817 000 ou, por Whatsapp, a través do móbil 606 026 202.

Amais, algunhas das sesións formativas desenvolveranse no Festival da Luz (Boimorto e nos Estudios Mans (A Coruña).

Esta actuación enmárcase nun convenio co-financiado polo Fondo Social Europeo, a Escuela de Organización Industrial e a Asociación Deloa, coa colaboración dos Concellos de Noia, Outes e Porto do Son.

Outros artigos

Adiado en Rianxo até o 17 de maio o acto de homenaxe a Rosalía

A Área de Cultura do Concello de Rianxo confirmou hoxe que por mor das condicións climáticas adversas previstas para este venres 23 de febreiro, o acto en lembranza de Rosalía de Castro que estaba previsto para a dita xornada na praza de Padrón (no paseo da Ribeira a...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...