O Concello de Boiro vén de comezar a empregar unha máquina específica para a limpeza de praias co obxectivo de facilitar o desenvolvemento das tarefas de acondicionamento e limpeza diarias das praias do municipio durante a época estival. O alcalde de Boiro, José Ramón Romero, e o concelleiro de Turismo, Carlos Muñiz, visitaron esta mañá a praia de Mañóns onde se comezaron a desenvolver as tarefas de limpeza.
Con esta máquina que se empregará durante o verán, cribase a superficie separando os residuos da area para unha perfecta retirada de algas, cristais ou paus de pequeno tamaño. O traballos comezaron na praia de Mañóns e iranse realizando de xeito progresivo nos demais areais do municipio, coa finalidade de levar un mantemento periódico dos residuos que se acumulan na area.
O Concello de Boiro comezou fai semanas a limpeza e acondicionamento dos areais do municipio para a súa posta a punto para a época estival. Ademais da limpeza mecánica que se está a realizar este venres
comezan os operarios de limpeza de praias que realizarán tarefas de xeito manual, e tamén comezarán os socorristas e estarán dispoñibles todos os servizos de parias.
