O Concello de Boiro vén de realizar melloras na zona de Saltiño co obxectivo de mellorar a seguridade viaria e os servizos na zona. Entre as actuacións levadas a cabo está a habilitación dun paso de peóns, a dotación de novos espazos de aparcamento e a mellora da iluminación.
Trátase dunha zona de moita afluencia, sobre todo durante o verán, pola proximidade do centro de saúde e os accesos á Praia de Barraña polo que se levaron a cabo medidas co obxectivo de desconxestionar o tráfico e favorecer a seguridade dos peóns. “Leváronse a cabo actuacións moi demandadas pola
veciñanza da zona xa que, debido á proximidade da praia e o centro de saúde, hai gran afluencia de tráfico e de viandantes”, afirma o alcalde, José Ramón Romero.
Realizouse un paso de peóns e unha zona peonil para mellorar a accesibilidade e seguridade nunha zona de moito tránsito de peóns. Fíxose unha reordenación do tráfico coa que se habilitaron preto de 90 novas prazas de estacionamento para favorecer os accesos á praia, sobre todo durante a época estival. Realizouse tamén a renovación do alumeado para mellorar a visibilidade na zona.
