Amicos e o Concello de Caldas asinan un acordo para favorecer a integración laboral

21 Xuño 2022

A asociación da nosa comarca Amicos asinou este martes 21 de xuño un convenio de colaboración co Concello de Caldas de Reis. Grazas a esta alianza, a asociación poderá atender e apoiar a persoas con discapacidade ou en risco de exclusión social, residentes na vila pontevedresa e arredores, con dificultades para acceder ao mercado laboral.

O alcalde de Caldas, Juan Manuel Rey, e Keltoi Cameán, coordinador de orientación laboral de Amicos, foron os encargados da formalización do acordo.

En concreto, este convenio ten por obxecto “establecer unha colaboración entre ambas entidades para o desenvolvemento de accións de cara a promover a integración social e laboral das persoas con discapacidade, mellorando a súa empregabilidade mediante asesoramento e a formación axeitada”.

Ambas entidades comprométense a facer da custodia medioambiental “unha forma de inclusión sociolaboral mediante as Ecobrigadas da asociación”.

O alcalde de Caldas, Juan Manuel Rey, destacou que “con esta colaboración o municipio de Caldas dá un paso máis na necesaria inclusión das persoas con discapacidade, que suman neste colectivo un novo referente”, e espera poder aumentar a colaboración coa actuación das Ecobrugadas de Amicos no municipio.

Pola súa banda, Keltoi Cameán, agradeceu a colaboración do Concello de Caldas que se suma a outras localidades onde xa está a actuar Amicos. Este marco de colaboracións e esta alianza coa vila pontevedresa significan, dixo, “o asentamento da área de Emprego de Amicos como referente para as persoas con discapacidade das provincias de Pontevedra e A Coruña e tendo ao Concello de Caldas como punto estratéxico”. E comentou: “Esperamos contar co apoio das organizacións e empresas da contorna para seguir desenvolvendo este proxecto de emprego verde e inclusivo”.

Na sinatura estiveron tamén presentes Pablo Penide e Estefanía Perez, orientadores de Amicos, e o concelleiro, Jacobo Perez.

Outros artigos

Comezaron en Ribeira as obras de mellora do parque Pedra Pateira

O Concello de Ribeira informou de que xa comezaron este mes de marzo as obras para poñer a punto o parque infantil de Pedra Pateira, no barrio de Bandourrío (Santa Uxía). A actuación contempla unha liña de pluviais para evitar a acumulación de auga superficial, novos...

+

Publicidade

Revista en papel

Opinión

“Rodar e rodar”. Carlos Moledo

“Rodar e rodar”. Carlos Moledo

Recordarán los lectores que hace apenas quince días Galicia estaba inmersa en unacaloradísimo debate socio-político planteado por múltiples formaciones políticas, algunas yacasi extintas a día de hoy, al menos hasta dentro de cuatro años. Dichos partidos políticos,...