O Concello de Noia presentou esta semana unha nova edición das Tardes de Verán, programa de lecer, creatividade e cultura para achegar actividades á rapazada e favorecer nas familias a conciliación en tempo de vacacións.
A axenda foi presentada por Socorro Creo, representante de Axóuxere, e Laura Salgado, concelleira de Xuventude. Segundo fixeron saber, os obradoiros e as actividades comezarán o vindeiro 4 de xullo e estenderanse ata o 2 de setembro, en horario de 19:00h a 21:00h. Poderán participar os nenos e nenas de 4 a 12 anos. O luns e o mércores celebraranse no local social de A Barquiña e os martes, xoves e venres no claustro da Casa do Concello. Organiza o Concello de Noia, a través da área de Xuventude.
