A organización local comezará este xoves ás 12.00h da mañá a recollida de sinaturas,
que iniciará cun posto no Centro de Saúde de Noia.
Hai xa dous meses que dende a Marea Cidadá de Noia iniciaron os trámites para levar
ao Parlamento a Iniciativa Popular Non de Lei “para a mellora dos servizos sanitarios en
Noia”, Iniciativa que agora xa conta cos avais iniciais da Mesa do Parlamento e para a cal
xa poden empezar a xuntar as 2.500 sinaturas necesarias.
A formación local ven denunciando dende hai anos os efectos que os recortes en
materia de sanidade tiveron veciñanza do Concello de Noia, que viu reducidos os seus
servizos sanitarios e se enfronta a listas de agarda de ate 10 días para ter unha cita co
servizo de pediatría. Entre outros, dende a Marea denuncian falta de persoal en servizos
cada vez máis importantes, como a Área de Saúde Mental.
Segundo afirman dende a Marea, os problemas da veciñanza noiesa en materia
sanitaria non se reducen só a cuestión de persoal. Denuncian tamén graves faltas de
organización e, segundo afirman, un edificio para o Centro de Saúde claramente
obsoleto. A iniciativa inclúe, neste senso, o inicio canto antes dos trámites para a
construción dun novo Centro de Saúde na Vila.
Ao longo da mañá do xoves, a Marea Cidadá iniciará a recollida de sinaturas no Centro
de Saúde, onde tamén se recibirá á prensa e se tratará de socializar esta problemática
entre os veciños e veciñas, buscando así os avais necesarios para levar esta iniciativa a
debate no Parlamento Galego.
