A Casa da Cultura de Boiro acolle estes días a mostra Boiro visto polos nenos/as e mozos/as, organizada polo grupo de traballo das bibliotecas escolares e municipal. A concelleira de Cultura, María Outeiral, asistiu á inauguración da mostra que se poderá visitar ata o vindeiro 16 de xuño.
Na elaboración da exposición participaron os rapaces e rapazas do CEIP Cespón, CEIP Abanqueiro, CEIP Santa María do Castro, CEIP Escarabote, CEIP Praia Xardín, CEIP Santa Baia, IES Espiñeira e IES Praia de Barraña que forman parte do grupo de traballo das bibliotecas e que durante este curso traballaron sobre a nosa localidade.