Xelís de Toro e Alejandro Vargas homenaxean en Rianxo a obra de Manuel Antonio coa proposta “Máis Alálá”

06 Maio 2022

A Sala Arcos Moldes do Auditorio de Rianxo vai dar acollida o vindeiro sábado 14 de maio ao espectáculo Máis Alálá con Xelís de Toro e Alejandro Vargas. Será a partir das 21.00 horas.

Segundo informa a Área de Cultura do Concello, a proposta forma parte das actividades que a Deputación da Coruña desenvolveu este ano co gallo da celebración do Día dos Museos 2022.

Máis Alálá é un proxecto poético sonoro performático inspirado no libro De catro a catro de Manoel Antonio, creado polo músico Alejandro Vargas (Cuba/Galicia) e o escritor e performer Xelís de Toro (Galicia/Reino Unido). O título é unha recreación do título do manifesto literario Máis Alá que Manoel Antonio realizou xunto con Álvaro Cebreiro no ano 1922.

Partindo dos 19 poemas do libro De catro a catro os artistas crean, nas súas palabras, “un sinxelo programa informático para transpoñer todas as letras dos poemas a números e posteriormente a notas musicais”. Isto permítelles traballar cun banco de palabras e un banco de notas musicais.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...