Queremos Galego estará este sábado en Noia, O Son e Boiro convocando apoios para as mobilizacións do 17

13 Maio 2022

A plataforma Queremos Galego, integrada por máis de medio milleiro de entidades sociais e culturais da nosa terra, vai realizar estes días na nosa comarca diversas actividades para recadar apoios de cara ao 17 de maio e a manifestación en Santiago “por un futuro para a nosa lingua”, na que se esixirá un apoio máis firme dos Gobernos autonómico e central a prol do galego. En concreto, a plataforma terá mesas informativas en Porto do Son, Noia e Boiro, e tamén noutras localidades da contorna.

O equipo comarcal de Queremos Galego informarán este sábado no Mercado de Porto do Son e o domingo na Praza da Feira de Noia da manifestación que se celebrará o 17 de maio polas rúas de Compostela para “evidenciar que a situación do galego é reversível” e “que hai alternativas e vontade colectiva para mudar a tendencia negativa para a lingua”. Recordan que haberá transporte, para facilitar o desprazamento. En Boiro, a plataforma estará presesente na rúa Peoníl, tamén o sábado pola mañá a partir das 11.30 horas.

Sol Agra, responsábel de Queremos Galego na nosa comarca, recorda que “todos os avances para o galego se conseguiron pola perseverancia e polo esforzo do pobo, como a incorporación do galego ao catálogo de Netflix ou a recente sentenza do TSXG contra Facenda por atacar os dereitos lingüísticos dun cidadán galego”. Agra advirte que “a sociedade galega está soa, sen institucións que a amparen na defensa da lingua” e salientou que “é hora de que isto mude e os poderes públicos, comezando polo novo presidente da Xunta, abandonen a súa política de agresión sistemática ao galego e comecen a exercer a súa responsabilidade na defensa dos intereses de Galiza e da súa lingua”.

A plataforma reclama a posibilidade de vivir “en galego agora e sempre” e denuncia “que o ensino e unha limitadísima oferta audiovisual en galego botan abaixo os esforzos das familias por garantiren a transmisión da lingua”.

Outros artigos

Boiro pecha de maneira preventiva a captación de auga de Cubelo

O Concello de Boiro tivo que cortar a captación de auga da zona de Cubelo ante a aparición dunha vaca morta nas inmediacións dun pequeno río que presta subministración á rede do municipio. Ao respecto o concello fixo pública esta tarde unha nota na que que indica que...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...