A programación das Letras Galegas en Outes, impulsadas dende Cultura do Concello, inclúen narracións orais, lecturas de poemas e homenaxes ao escritor celebrado este ano na festa do 17 de maio: Florencio Delgado Gurriarán. Amais, un dos actos principais da axenda será a presentación do palmarés dun dos grandes certames literarios de Galicia: o Certame de Poesía Francisco Añón.
-10 de maio – Xogando cos contos, contacontos con Fátima Fernández para a rapazada de 3 a 10 anos. Ás 17:30 horas na biblioteca municipal.
-14 de maio – Charla sobre Florencio Delgado Gurriarán a cargo de Ramón Blanco. Haberá tamén unha lectura de poemas de Nicolasa Añón. Ás 20:00 horas no Centro Naútico do Freixo.
-17 de maio – XXVI Certame de Poesía Francisco Añón. Anunciarase o fallo do premio e presentarase o libro coas poesías gañadoras da XXV edición. Ás 17:00 horas na Casa da Cultura de Outes.
