Este venres 13 de maio a Asociación de Empresarios de Ribeira fixo entrega do premio de 1.000 euros correspondente á Campaña do Día da Nai 2022.
Segundo informou a patronal, a dita contía deberá ser gastada nun día pendente por determinar no que a premiada será acompañada por unha persoa (un personal shopper) que a asesore en todo o proceso de compra.
A persoa agraciada foi Mª Teresa Pérez Pampín e o establecemento onde se repartiu a sorte foi Calzados Horacio. A asociación aproveito para agradecer “o apoio á campaña mostrando tanto polos socios que participaron como polos clientes, que superaron as 1.500 participacións, o que dá idea do éxito da iniciativa”.
Na foto, a premiada acompañada de Estrella Regos de Calzados Horacio, Francisco Martínez Gude, presidente da Asociación de Empresarios e Ramón Doval, concelleiro de Comercio.