A Escola de Tempo Libre das Utopías, proxecto creativo de formación e lecer (con actividades de tempo libre, animación e artes escénicas para “favorecer un mundo máis xusto, equitativo e solidario”), vai celebrar en Porto do Son a actividade infantil e xuvenil Conto Máxico, encadrada no programa municipal Maio Cultural, impulsado polo Concello.
A actividade introducirá á rapazada “no fascinante mundo da mitoloxía existente en torno aos bosques galegos”. Será o sábado 14 de maio ás 12.00 horas, para nenas e nenos de 3 a 12 anos. Celebrarase na Biblioteca Pública Municipal Xerardo Díaz Fernández.
