O JEALSA Boiro proclamouse campión galego en categoría júnior masculina na fase final celebrada en San Sadurniño o pasado fin de semana. O equipo que adestra Adrián Alves impúxose no encontro decisivo aos anfitrións por 2-3 (25-21, 14-25, 25-15, 20-25 e 21-23). O choque decidiuse tras un apaixonante quinto set, no que o JEALSA Boiro concretou a remontada.
Ademais, o central José García, xogador do JEALSA Boiro, foi designado MVP da fase final do
Campionato Galego júnior. Na rolda de semifinais, o JEALSA Boiro impúxose ao Calasancias da Coruña por 0-3 (18-25, 13-25 e 16-25). O título conseguido polo JEALSA Boiro en categoría júnior súmase ao que, unha semana antes, lograra o cadro de categoría xuvenil masculina.
